Ayanthi from Canada අයන්ති කැනඩාවේ සිට​

Ayanthi from Canada අයන්ති කැනඩාවේ සිට

ඉතින් යාලුවනේ කොහොමද​?

දවස් එකහමාරක පමණ කාලයක් ගිහින් කටුණායක ඉඳලා කැනඩාවේ අල්බ්‍රේටා වලට ආවා.

මගේ සැමියා ඇවිත් හිටියා අපිව අරන් යන්න​.

ඒ මොහොත හරිම සංවේදී

එවලෙ තාත්ති දුවයි පුතයි බදාගත්තා.

ගෙදරට ආවට පස්සෙ තාත්ති මාව උස්සගෙන ඇඳට පැන්නා.

මේ අපේ ගෙදර ඉස්සරහා ෆොටෝ එකක්.

(ආව ගමන් ආසාවෙන් කලබලෙන් ගත්ත ෆොටෝ එකක්)

මේ ගෙවල් ඇවිල්ලා කැනඩාවේ මධ්‍යම පංතියට පහල අය ජීවත් වන ගෙවල් කාණ්ඩයක්.

ඒත් මට නම් මේක මාලිගාවක්.

ලංකාවෙන් ආපු එක ගැන නම් කිසිම සතුටක් නෑ.

මගේ, මාත් එක්ක අන්තිම වෙනකන් හිටපු අපේ හොඳ නෑදෑයෝ වගේම මගේ කොල්ලුපිටියේ මං වැඩකරපු ඔෆිස් එකේ යාලුවෝ හැමෝමත් දාලා එන්න වුණ එක හරිම දුකක්.

මොනවා වුණත් දැන් අපි පවුලක් හැටියට එක වහලක් යට ඉන්නවා. ඒක අපි හතර දෙනාටම ලොකු සතුටක්.

ඉතින් යාලුවනේ මේ වල් කතා බ්ලොග්/සයිට් එක හරහා විශාල පිරිසක් මාව හඳුනගත්තා. පුද්ගලිකව කවුරුවත් නොදන්නවා වුණත් ඔයාලා මගේ පුද්ගලික ප්‍රශ්න වලදී මාව දිරිමත් කළා. ඒ වගේම මේ ගමන එද්දී ඔයාලා බොහෝමයක් මට සුභ පැතුවා.

ඒ මම කව්ද කියලවත් හරියට නොදැනුව​.

ඒ වගේම මගේ ඊමේල් එකට සියයකට අධික ඊමේල් පණිවුඩ ඇවිත් තිබුණා.

ඒ හැමෝටම මගේ හදපිරි ස්තූතිය​.

ඒ වගේම මගෙන් අහලා තිබුණා කැනඩාවට වීසා හදාගන්නෙ කොහොමද කියලා.

ඒ අය වෙනුවෙන් අනිවාර්‍යෙන්ම මමයි හබියයි ඒ ගැන කැනඩාවේ වර්ථමාන තත්ත්වය ගැන ගොයලා ඔයාලව දැනුවත් කරන්නම්.

ඒ ගැන අනිවාර්‍යෙන්ම මම මේ බ්ලොග් එකෙන්ම ඔයාලව දැනුවත් කරනවා.

දැනට කැනඩාවේ තත්වය අනූව ශ්‍රී ලංකාවේ අයට රැකියා අවස්ථා හුඟාක් තියෙනවා. නමුත් ලංකාවේ අපේ තරුණ හුඟ දෙනෙක්ට ඒවාට අවශ්‍ය සුදුසුකම් සපුරන්න බෑ.

විශේෂයෙන්ම හෝටල්, සැලෝන් වලට වගේම ඩ්‍රයිවින් (කුරිය සර්විස් - පැකේජ් ඩිලිවරි) වගේ රැකියාවල් වලට ඉහල ඉල්ලුමක් තියෙනවා.

ඒ ගැන වැඩි විස්තර දීර්ගව ඉක්මනින්ම දාන්නම්.

ඉංග්‍රීසි භාශාව අත්‍යාවශ්‍යම නැතත් සාමාන්‍ය දැනුම සහ එම්බසි වලදී ඉන්ටර්විව් වලදී ඒ අහන ප්‍රශ්න වලට එක කෙලින් උත්තර දෙන්න පුලුවන් නම් වීසා එකට පහසු වෙනවා.

පැකේජ් ඩිලිවරි කරන අයට දවසකට කැනේඩියන් ඩොලර් අවම 100ත් 200ත් අතර හොන්න පුලුවන්. 

ඒක තමයි ලංකාවෙ වැඩි අද්තැකීමක් නැති සුදුසුකම් අඩු අයට​ කරන්න පුලුවන් හොඳම රැකියාව​.

තමන්ගෙම කියලා පොඩි වාහනයක් අරගෙන උදේ 9 ඉඳන් රෑ 9 වෙනකන් වැඩ කළා නම් ඩොලර් 100ක් 150ක් ලේසියෙන්ම හොයන්න පුලුවන්.

මම මේ සියලු දේ ගැන ඉදිරියේදී මේ බ්ලොග් එක හරාහාම විස්තර දාන්නම්.

වැඩි විස්තර අවශ්‍ය අය මට මේල් එකක් දාන්න​.

හැකි උපරිමයෙන් උදව් කරන්නම්.

නැවතත් ඔයාලා හැමෝටම ස්තූතියි.

ඉදිරියේදී බ්ලොග් සයිට් එක මීට වඩා හොඳින් කරන්න බලාපොරොත්තු වෙනවා.

පහු ගිය දවස් වල තිබ්බ කරදර නිසා සයිට් එක හරියට අප්ඩේට් කරන්න බැරි වුණා.

ඉදිරියේදී එහෙම වෙන්නෙ නෑ.

ඒ ගැන නැවතත් සමාව අයදිනවා.

ඔයාලා හැමෝටම ස්තූතියි

-අයන්ති-